سپریم کورٹ کا ریٹائر جا مستعفیٰ ججز کے خلاف کارروائی جاری رکھنے کا فیصلہ

سپریم کورٹ نے ججز کے خلاف سپریم جوڈیشل کونسل کی کارروائی جاری رکھنے یا نہ رکھنے سے متعلق کیس کا مختصر فیصلہ سناتے ہوئے کہا کہ ریٹائر جا مستعفیٰ ججز کے خلاف سپریم کونسل کی کارروائی جاری رہے گی۔جسٹس امین الدین کی سربراہی میں پانچ رکنی بینچ نے فریقین کے وکلاء کے دلائل سننے کے بعد فیصلہ محفوظ کیا تھا۔

سپریم کورٹ نے اپنے فیصلے میں کہا کہ جب سپریم جوڈیشل کونسل کارروائی شروع کردے تو استعفیٰ  یا ریٹائرمنٹ پر کارروائی ختم نہیں ہوسکتی، استعفیٰ دینے سے سپریم جوڈیشل کونسل کی کارروائی نہیں رکے گی۔مستعفی جج کے خلاف کارروائی جاری رکھنا جوڈیشل کونسل کا اختیار ہوگا۔ ریٹائرڈ ججز کے خلاف زیرالتوا شکایات پر کارروائی کرنا یا نہ کرنا سپریم جوڈیشل کونسل کی صوابدید ہے۔

سپریم کورٹ نے یہ فیصلہ چار ایک کی اکثریت سے سنایا، جسٹس حسن اظہر رضوی نے اکثریتی فیصلہ سے مخالفت کی، جسٹس حسن اظہر رضوی نے اپیل زائدالمیعاد ہونے کی حد تک فیصلے سے اختلاف کیا ہے۔جسٹس امین الدین خان نے کہا کہ تفصیلی وجوہات بعد میں جاری کی جائیں گی۔

اپنے فیصلے میں سپریم کورٹ آف پاکستان نے کہا کہ وفاقی حکومت کی اپیل جزوی طور پر منظور کی جاتی ہے۔