الیکشن کمیشن میں کوئی انصاف ہوتا نظر نہیں آرہا، شیر افضل مروت

پاکستان تحریک انصاف کے رہنما شیر افضل مروت نے الیکشن کمیشن میں انتخابی عذرداریوں کے کیسز کی سماعت پر تحفظات کا اظہار کرتے ہوئے کہا کہ بلا چھین لیا، ماتحت عدالتوں نے انصاف ملنے کی کوئی امید نہیں جب سپریم کورٹ سے انصاف نہیں ملا تو نچلی عدالتوں سے انصاف کس طرح مل سکتا ہے۔

اسلام آباد میں میڈیا سے گفتگو کرتے وہئے شیر افضل مروت کا کہنا ہے کہ ن لیگ کے کسی امیدوار نے ایک بھی فارم 45 پیش نہ کیا، این اے 11میں امیر مقام کے مقابلے میں ہماری لیڈ تھی، فارم 47 میں امیر مقام کو جتوادیا گیا۔

بلا چھین لیا۔۔۔عدالتوں سے انصاف ملنے کی امید نہیں،شیر افضل مروت#GNN #BreakingNews #NewsUpdates #GNN_Updates pic.twitter.com/AJoOPkDWB9

— GNN (@gnnhdofficial) February 21, 2024

پی ٹی آئی کے رہنما شیرافضل مروت نے کہا کہ آج الیکشن کمیشن میں کچھ گزارشات پیش کی ہیں، این اے 11میں امیر مقام کے مقابلے میں ہماری لیڈ تھی، فارم 47 میں امیر مقام کو جتوادیا گیا۔ تمام امیدواروں نے بیان حلفی کے ساتھ فارم 45 پیش کیے، ن لیگ کے کسی امیدوار نے ایک بھی فارم 45 پیش نہ کیا۔

انہوں نے مزید کہا کہ ہمارے فارم 45 چھوڑے الیکشن کمیشن اپنے فارم 45 دیکھ لے، ہمیں الیکشن کمیشن میں کوئی انصاف ہوتا نظر نہیں آرہا، اتنے دن ہوگئے فارم 47 نہیں منگوا رہے، فارم 47 وہی درست ہیں جو ہم نے پیش کئے۔