تحریک انصاف کا انٹرا پارٹی انتخابات  3 مارچ کو کروانے کا اعلان

پاکستان تحریک انصاف نےانٹرا پارٹی انتخابات  3 مارچ کو کروانے کا اعلان کردیا، پی ٹی آئی کی جانب سے الیکشن شیڈول جاری کردیا گیا ہے۔

پی ٹی آئی انٹراپارٹی انتخابات کیلئے اس بارپولنگ سینٹرل آفس سمیت چاروں صوبائی سیکرٹریٹ میں ہوگی۔شیڈول کے مطابق انٹراپارٹی انتخابات کیلئے کاغذات نامزدگی 23اور24فروری کو جمع کروائے جاسکتے ہیں۔

پارٹی انتخابات کے لیے اسکروٹنی 25 فروری کی گئی ہے جبکہ کاغذات نامزدگی پرفیصلے 27فروری تک ہوں گے۔شیڈول کے مطابق پی ٹی آئی انٹراپارٹی انتخابات کیلئے پولنگ 3مارچ کو پولنگ سینٹرل آفس سمیت چاروں صوبائی سیکرٹریٹ میں ہوگی۔

واضح رہے کہ الیکشن کمیشن نے 22 دسمبر 2023 کو انٹرا پارٹی انتخابات کالعدم قرار دیتے ہوئے پی ٹی آئی سے بلے کا انتخابی نشان واپس لے لیا تھا۔