کانگو میں وزیراعظم اور کابینہ مستعفی ہو گئی

برازاویلے: کانگو کے وزیراعظم جین مشیل سما لوکونڈے نے استعفی دے دیا ہے۔ٹی آر ٹی کے مطابق ایوان صدر کا کہنا ہے کہ وزیراعظم لوکونڈے اور ان کی کابینہ نے اپنے استعفے صدر فیلیکس ٹشی سیکیدی کو پیش کر دیئے ہیں جنہیں صدر نے قبول کر لیا ہے۔

بتایا گیا ہے کہ نئی حکومت بننے تک موجودہ حکومت فرائض ادا کرتی رہے گی ۔ وزیراعظم جین مشیل سما لوکونڈے فروری 2021 سے وزیراعظم کے عہدے پر فائز تھے۔

یاد رہے کہ جمہوریہ کانگو میں 20 دسمبر کو ہونے والے صدارتی انتخابات میں موجودہ صدر کو 73٫34 فیصد ووٹ ملے تھے۔