پاک فوج اور سعودی فوج کے درمیان مشترکہ فوجی مشقیں

پاک فوج اور سعودی عرب کی شاہی بری فوج نے مظفر گڑھ فیلڈ فائرنگ رینج پر ایک مشترکہ فوجی تربیتی مشق کی ہے۔

دونوں افواج نے تربیتی مشق میں بھرپور حصہ لیا جس میں مشترکہ جنگی پی ٹی ، چھوٹے پیمانے پر آپریشنز، روم کلیئرنس ، قریبی نشانہ بازی، فائرنگ اور بچائو شامل تھے ان مشقوں میں کوبرا ہیلی کاپٹرز نے حصہ لیا۔

ان مشقوں سے پاک فوج اور سعودی عرب کی شاہی بری فوج کو اپنی استعداد کار اور مہارت کو بڑھانے اور اپنی عسکری صلاحیتوں کو نکھارنے کامنفرد موقع ملا۔

یہ مشترکہ عسکری مشق پاکستان اور سعودی عرب کے درمیان مضبوط روابط اور تعاون کی مظہر ہے۔