شوکت ترین کی تعیناتی لاہور ہائیکورٹ میں چیلنج

تفصیلات کے مطابق لاہور ہائی کورٹ کے  جسٹس ساجد محمود سیٹھی نے فرید عادل ایڈووکیٹ کی درخواست پر سماعت کی،، ڈپٹی اٹارنی جنرل نے درخواست کے قابل سماعت ہونے پر اعتراض اٹھاتے ہوئے کہا کہ صدر مملکت نے شوکت ترین کی بطور وزیر خزانہ تقرری کا نوٹیفیکیشن جاری کیا ہے۔ ڈپٹی اٹارنی جنرل نے کہا کہ یہ لاہور ہائیکورٹ کا دائرہ اختیار نہیں، درخواست اسلام آباد میں دائر کی جاسکتی ہے۔ آئین پاکستان کسی بھی غیر منتخب شخص کو وفاقی وزیر بنانے کی اجازت نہیں دیتا  ، عوام کے ووٹوں سے منتخب شخص کو ہی وزیر  بنایا  جاسکتا ہے۔

درخواست میں موقف اپنایا گیا کہ شوکت ترین کی تقرری آئین میں طے کئے گئے اصولوں کے خلاف ہے۔درخواست گزار نے عدالت سے استدعا کی کہ شوکت ترین کاوزیر خزانہ کی حیثیت سے تقرر  کالعدم قرار دیا جائے۔ لاہور ہائیکورٹ نے درخواست کے قابل سماعت ہونے پر معاونت مانگ لی  ،  عدالت نے درخواست کے قابل سماعت ہونے سے متعلق یکم جون کو مزید دلائل طلب کر لیے۔ درخواست میں وفاقی حکومت، وزارت قانون اور شوکت ترین کو فریق بنایا گیا ہے۔