18 سال سے زائدعمر کے اساتذہ کے لئے واک ان ویکسینیشن کی اجازت

تفصیلات کے مطابق سماجی رابطے کی ویب سائٹ ٹوئٹر پر این سی او سی  سے جاری پیغام میں کہا گیا ہے کہ امتحانات کے  ماحول کو محفوظ  بنانے کے لئے  18 سال سے زائد عمر کے اساتذہ کے لئےواک ان ویکسینیشن کھول دی گئی ہے۔ اساتذہ اپنے  شناختی کارڈ  اور ادارےکے سربراہ کےخط کے ساتھ کسی  بھی ویکسینیشن سینٹر میں جا  کر اپنی ویکسی نیشن کروا سکتے ہیں۔

To ensure safe environment for education and conduct of exams, walk-in vaccination for teachers above 18 years of age is opened. Teachers can walk-in to any vaccination center with CNIC, stamped letter from head of Institution / Teachers’ ID Card, and get themselves vaccinated.

— NCOC (@OfficialNcoc) May 28, 2021

علاوہ ازیں این سی اوسی  نے 30 سال سے زائد عمرکے شہریوں کے لیے کل سے واک اِن ‏ویکسی نیشن کھولنے کا  بھی فیصلہ کیا ہے۔‏30 سال یا زائد عمرکےرجسٹرڈ شہری کسی بھی سینٹرجاکرویکسین لگواسکتےہیں۔ سربراہ این سی او سی اسد عمر کا کہنا ہے  کہ  کل تک 50 لاکھ لوگوں کو ویکسین لگائی جا چکی ہے ،عوام جلد رجسٹریشن کروا کرویکسین لگوائیں تاکہ پاکستان کی ترقی کا سفر تیز تر ہو اور عوام زندگی آزادی کے ساتھ کرونا کے خوف کے بغیر گزار سکیں۔

In the NCOC meeting today it was decided to open up walk in vaccination for 30 plus from tomorrow . So if you are 30 or older and registered please go to any vaccination centre and get vaccinated

— Asad Umar (@Asad_Umar) May 28, 2021

  اس سے قبل 20 مئی کو وفاقی وزیر تعلیم شفقت محمود نے اعلان کیا تھا کہ اساتذہ کو ترجیحی بنیادوں پر  ویکسین لگائی جائے گی ۔

 واضح رہے کہ پاکستان اس وقت کورونا وائرس کی تیسری لہر کا سامنا کر رہا ہے جو پچھلی دو لہروں کے مقابلےمیں زیادہ مہلک ہے۔ نیشنل کمانڈ اینڈ آپریشن سینٹر کی جانب سے جاری کیے گئے تازہ اعداد و شمارکے مطابق  ملک میں گزشتہ 24 گھنٹوں میں کورونا سے مزید67فراد چل بسے ۔ ملک میں  اموات کی مجموعی تعداد 20 ہزار607ہوگئی ہے،جبکہ  متاثرہ افراد کی مجموعی تعداد 9 لاکھ 13ہزار 784ہو گئی ہے ۔ گزشتہ24 گھنٹوں میں کوروناوائرس کےمثبت کیسزکی شرح4.80فیصدرہی۔