ایئر وائس مارشل عرفان احمد کی ائیر مارشل کے عہدے پر ترقی، ترجمان پاک فضائیہ

ترجمان پاک فضائیہ کے مطابق  ایئر مارشل عرفان احمد نے پاک فضائیہ کی جی ڈی پی برانچ میں جون 1988 میں کمیشن حاصل کیا، اپنے کیرئیر کے دوران آپ فائٹر اسکواڈرن ، فلائنگ ونگ اور دو آپریشنل ایئر بیسز کی کمان کر چکے ہیں۔

 ترجمان پاک فضائیہ کا کہنا ہے کہ ائیرمارشل عرفان احمد بطور ڈائریکٹر جنرل ویلفیئر اینڈ ری ہیب ایئر ہیڈ کوارٹرز اسلام آباد میں خدمات سر انجام  دے چکے ہیں۔آپ بطور ایئر آفیسر کمانڈنگ (سنٹرل ایئر کمانڈ)  بھی خدمات سر انجام دے چکے ہیں۔

ترجمان پاک فضائیہ کے مطابق آجکل ائیرمارشل عرفان احمد ائیر ہیڈ کوارٹرز اسلام آباد  میں بطور ڈائریکٹر جنرل (پروجیکٹس) خدمات سر انجام دے رہے ہیں۔ آپ کمبیٹ کمانڈرز اسکول اور نیشنل ڈیفنس یونیورسٹی اسلام آباد سے فارغ التحصیل ہیں۔