نوازشریف نے مولانا فضل الرحمان کے گھر آمد، حکومت میں شمولیت کی دعوت

سابق وزیراعظم نوازشریف نے جمعیت علماء اسلام کے سربراہ مولانا فضل الرحمان کے گھر آمد، ،ملاقات میں مولانا فضل الرحمان کو حکومت میں شمولیت پر آمادہ کرنے کی کوشش کی جبکہ انہوں نے اپنے تحفظات سے نوازشریف کو آگاہ کیا۔

مولانا فضل الرحمان نے گھر پہنچنے پر نواز شریف کا استقبال کیا جبکہ سربراہ جے یو آئی کے ساتھ گورنر خیبر پختونخوا غلام علی، عبدالغفورحیدری اور نور عالم خان بھی موجود تھے۔

اسلام آباد: سابق وزیر اعظم میاں نواز شریف کی جےیوآئی سربراہ مولانا فضل الرحمان کی رہائشگاہ آمد

سربراہ جےیوآئی مولانا فضل الرحمان سے ملاقات

وفد میں رانا ثناء اللہ ، احسن اقبال، ایاز صادق، سعد رفیق اور اسحاق ڈار شامل

جےیوآئی کے مولانا عبدالغفور حیدری، حاجی غلام علی ، اسلم… https://t.co/tWUBbHryS6

— Jamiat Ulama-e-Islam Pakistan (@juipakofficial) March 1, 2024

نوازشریف نے مولانا فضل الرحمان سے صدر اور وزیراعظم کے انتخاب میں ووٹ کی درخواست کی جبکہ مولانا فضل الرحمان نے اپنے تحفظات سے نواز شریف کو آگاہ کیا۔نواز شریف نے مولانا فضل الرحمان کو حکومت کے ساتھ چلنے کی دعوت دی تو انہوں نے جواب دیا کہ ہم تو چاہتے ہیں کہ آپ ہمارے ساتھ آجائیں۔

نوازشریف نے سابق صدر آصف زرداری کے لیے بھی مولانا فضل الرحمان سے ووٹ مانگا۔

ذرائع کے مطابق مولانا فضل الرحمان نے کہا کہ ہمارا مینڈیٹ چوری ہوا ہے، ہم پہلے بھی انتخابات پر تحفظات کا اظہار کرچکے ہیں ، ہمیں ہماری سیٹیں بھی نہیں دی گئیں۔