پاک فوج کی جانب سے برف باری کے علاقوں میں ریسکیو آپریشن جاری

راولپنڈی: پاک فوج کی جانب سے لواری ٹنل، کالام،چترال اور مالم جبہ کے گردونواح میں شدید برف باری کے بعد ریسکیو آپریشن جاری ہے۔

لواری ٹنل، کالام اور مالم جبہ میں شدید برف باری جاری ہے۔

ہفتہ کو آئی ایس پی آر کی جانب سے جاری پریس ریلیز کے مطابق پاک فوج کی ریسکیو ٹیمیں رات بھر متحرک رہیں اور سڑکوں سے برف ہٹانے کے ساتھ ساتھ پھنسے ہوئے مسافروں کو بھی ریسکیو کر رہی ہیں۔

پاک فوج کی جانب سے برف باری کے علاقوں میں پھنسے مسافروں کو ریسکیو کیا جا رہا ہے اور قریب میں واقع آرمی کیمپوں سے کھانے پینے کی اشیا اور ادویات فراہم کی جا رہی ہے۔