ریور راوی پراجیکٹ کے پہلے فیز کی بڈنگ مکمل ہوگئی

تفصیلات کے مطابق   سب سے زیادہ بولی عارف حبیب گروپ کی کمپنی جاوداں  نےدی۔  ریور راوی پراجیکٹ کا پہلا فیز 2 ہزار ایکڑ پر محیط ہے۔جاوداں گروپ کارپوریٹ سیکٹر کی تیرہ بڑی کمپنیوں کا کنسورشیم ہے ۔ جاوداں گروپ میں یونس گروپ ، لکی سیمنٹ ، صورتی گروپ ، لبرٹی گروپ شامل ہیں ۔ فاطمہ فرٹیلائزر گروپ ، غنی گلاس ، یو ایس اپریل گروپ،   جاوداں کنسورشیم میں سفائر گروپ ، اورئینٹ گروپ بھی شامل ہیں۔

جی این این کے مطابق  جاوداں کنسورشیم کی پبلک سیکٹر میں مارکیٹ کیپ ویلیو ایک ہزار ارب روپے ہے۔ عارف حبیب کے جاوداں گروپ فیز ون کی مکمل لینڈ پروکیورمنٹ ، ڈویلپمنٹ اور مارکیٹنگ کے ذمہ دار ہوں گے۔  بارہ کمپنیاں ساڑھے چار فیصد فی کمپنی جبکہ عارف حبیب گروپ اکاون فیصد کا شئیر ہولڈر ہوگا۔