اسلام آباد :فیڈرل بورڈ آف ریونیو (ایف بی آر) کے چیئرمین امجد زبیر ٹوانہ نے قبل ازو قت ریٹائرمنٹ کا فیصلہ کر لیا۔ ذرائع کے مطابق انہوں نے حکومت کو دو ہفتوں کا نوٹس دے کر اپنی سبکدوشی کا اعلان کیا ہے۔

گریڈ 21 کے ان لینڈ ریونیو سروس کے افسر امجد زبیر ٹوانہ کو اگلے سال 25 فروری کو ریٹائر ہونا تھا۔ تاہم، انہوں نے ایک تحریری مراسلے میں حکومت کو آگاہ کیا ہے کہ وہ اپنا عہدہ چھوڑنا چاہتے ہیں۔

ذرائع کے مطابق امجد زبیر ٹوانہ نے اس سے قبل وزیر مملکت احد چیمہ کو بھی زبانی طور پر آگاہ کر دیا تھا کہ وہ ایف بی آر کی مزید سربراہی نہیں کر سکتے۔

لنڈی کوتل کے قریب واقع پولیس ناکے پر دہشت گردوں نے اچانک حملہ کر دیا ہے۔ اس حملے میں ایک پولیس اہلکار اور ایک راہگیر جاں بحق ہو گئے ہیں جبکہ تین افراد شدید زخمی ہوئے ہیں۔

ڈی پی او سلیم عباس کے مطابق، دہشت گردوں نے پاک افغان شاہراہ پر قائم پولیس ناکے کو نشانہ بنایا۔ حملے میں ایک پولیس اہلکار اسسٹنٹ سب انسپکٹرعالم زیب اور ایک عام شہری جاں بحق ہو گئے۔

اس کے علاوہ دو پولیس اہلکاروں اور ایک راہگیر کو بھی گولیاں لگی ہیں۔ زخمیوں کو فوری طور پر طبی امداد کے لیے لنڈی کوتل ہسپتال منتقل کیا گیا ہے، جہاں سے انہیں پشاور کے حیات آباد میڈیکل کمپلیکس منتقل کر دیا گیا ہے۔

دہشتگردی کے اس واقعے کے بعد ضلع بھر میں سکیورٹی ہائی الرٹ کر دی گئی ہے۔ پولیس نے دہشت گردوں کی گرفتاری کے لیے سرچ آپریشن شروع کر دیے ہیں۔

تہران: حماس کے سربراہ اسمٰعیل ہنیہ کو ایران کے دارالحکومت تہران میں قاتلانہ حملے میں شہید کردیا گیا ہے۔ ایرانی میڈیا کے مطابق، یہ حملہ تہران میں ہنیہ کی رہائش گاہ پر کیا گیا، جہاں وہ ایران کے نئے صدر مسعود پزشکیان کی حلف برداری کی تقریب میں شرکت کے لیے موجود تھے۔

حماس نے اسمٰعیل ہنیہ کی شہادت کی تصدیق کرتے ہوئے الزام عائد کیا ہے کہ انہیں یہودی ایجنٹوں نے نشانہ بنایا ہے۔ حماس نے اس حملے کوبزدلانہ کارروائی قرار دیتے ہوئے بدلہ لینے کا عزم ظاہر کیا ہے۔

حماس رہنما اسماعیل ہنیہ قاتلانہ حملے میں شہید#GNN #NewsUpdates #BreakingNews #GNN_Updates pic.twitter.com/WBtFELqcO7

— GNN (@gnnhdofficial) July 31, 2024

ایرانی پاسدارانِ انقلاب اسلامی کی جانب سے جاری کردہ بیان میں کہا گیا ہے کہ حملے کے نتیجے میں ہنیہ کے ایک محافظ بھی شہید ہوئے ہیں۔ حملے کی وجوہات فوری طور پر واضح نہیں ہو سکیں، اور اس کے محرکات کی تحقیقات جاری ہیں۔

پاسدارانِ انقلاب نے یہ بھی کہا کہ اسمٰعیل ہنیہ نے گزشتہ روز ایران کے سپریم لیڈر آیت اللہ علی خامنہ ای سے بھی ملاقات کی تھی۔

واضح رہے کہ رواں سال عیدالفطر کے موقع پر اسرائیلی بمباری کے نیتجے میں اسمٰعیل ہنیہ کے تین بیٹے اور 2 پوتے شہید ہو گئے تھے۔