نگران وزیراعظم انوار الحق کاکڑ کی محمد شہباز شریف کو پاکستان کا وزیراعظم منتخب ہونے پر مبارکباد

اسلام آباد: نگران وزیراعظم انوار الحق کاکڑ نے محمد شہباز شریف کو پاکستان کا وزیراعظم منتخب ہونے پر مبارکباد دی ہے۔

اتوار کو سماجی رابطہ کی ویب سائٹ ایکس پر اپنے ٹویٹ میں انہوں نے شہباز شریف کو پاکستان کا وزیر اعظم منتخب ہونے پر مبارکباد دی۔

انہوں نے نو منتخب وزیر اعظم کے لیے نیک خواہشات کا اظہار کرتے ہوئے کہا کہ انہوں اہم قیادت کے سفر کا آغاز کیا ہے، انہوں نے کہا کہ آپ کا دور قوم کے لیے خوشحالی، ترقی اور اتحاد لائے گا۔