کورونا وائرس : دنیا بھر میں متاثرین کی تعداد 17کروڑ سے تجاوز کرگئی

تفصیلات کے مطابق  دنیا بھر میں کورونا کا قہر برقرار، مریضوں اور اموات میں مسلسل اضافہ جاری ہے۔ کورونا وائرس کے کیسز اور اس سے اموات کے اعتبار سے 10 سرِ فہرست ممالک میں 33 کروڑ سے زائد آبادی کا حامل امریکا تاحال پہلے نمبر پر ہے جہاں اس وائرس سے اب تک کورونا سے  ہلاکتوں کی تعداد  6 لاکھ 8 ہزار 961 تک پہنچ گئی ہے جبکہ 3 کروڑ 40 لاکھ 22 ہزار سے زائد متاثر ہیں۔

ایک ارب سے زائد آبادی والا ملک بھارت کورونا وائرس کے مریضوں کی تعداد کے اعتبار سے  دوسرے نمبر پر ہے جہاں کورونا سے متاثرہ افراد کی تعداد 2 کروڑ 77 لاکھ 39 ہزار سے زائد ہے اور 3 لاکھ  22 ہزار 512 افراد جان کی بازی ہار چکے ہیں۔بھارت میں ایک روز میں 9ہزار 816 کیسز رپورٹ ہوئے ہیں ۔

کورونا وائرس کے مریضوں کی تعداد کے حوالے سے ممالک کی اس فہرست میں برازیل  تیسرے  نمبر پر آگیا ہے،  جہاں  متاثرہ افراد کی تعداد ایک کروڑ 63 لاکھ 92 ہزار سے زائد ہو گئی ہے اور 4 لاکھ 59 ہزار سے زائد افراد ہلاک ہوچکے ہیں۔ برازیل  میں ہلاکتوں کی بڑھتی ہوئی تعداد کےباعث قبرستانوں میں  گنجائش ختم   ہوگئی ہے اور  پرانی قبروں کو دوبارہ کھود کردفنانےکاسلسلہ شروع کیا گیا ہے ۔

فرانس میں 56 لاکھ 46 ہزار 897 افراد متاثر اور ایک لاکھ 9 ہزار 290 افراد جان کی بازی ہار چکے ہیں۔ترکی فہرست میں پانچویں نمبر پر ہے جہاں  52 لاکھ 28 ہزار افراد کورونا سے متاثر اور 47 ہزار 134 ہلاک ہو چکے ہیں۔روس میں 50 لاکھ 44 ہزار سے زائد افراد کورونا وائرس سے متاثر ہو چکے ہیں اور اموات کی مجموعی تعداد ایک لاکھ 20 ہزار سے تجاوز کرچکی ہے  ۔ برطانیہ میں 44 لاکھ 77 ہزار سے زائد افراد کورونا سے متاثر ہیں اور ایک لاکھ 27 ہزار 768 اموات ہوچکی ہیں۔

کورونا وائرس سے روس میں کل اموات  ایک لاکھ 20ہزار سے تجاوز کر  گئیں جبکہ اس کے مریضوں کی تعداد 50 لاکھ سے زائد  ہے۔ برطانیہ میں کورونا وائرس کے باعث اموات کی تعداد 1 لاکھ 27 ہزار جبکہ کیسز کی تعداد 44 لاکھ 77ہزار  سے بڑھ گئیں ۔جرمنی اس فہرست میں 10 ویں نمبر پر ہے جہاں کورونا وائرس سے  88 ہزار 884   افراد موت کے منہ میں جاچکے ہیں ، جبکہ اب تک36 لاکھ  سے زائد  کیسز رپورٹ ہوئے ہیں۔

دنیا بھر میں کورونا سے صحت یاب ہونے والوں کی تعداد 15 کروڑ 19 لاکھ  سے زائد اور فعال کیسز کی تعداد ایک کروڑ 46 لاکھ 39 ہزار سے زائد ہے۔واضح رہے کہ کورونا وائرس سال 2019 دسمبر میں چین میں رپورٹ ہوا،  11 مارچ  2020 کو اسے ’’عالمی وبا‘‘ قرار دیا گیا۔