شہباز شریف اپوزیشن کے بجائے نون لیگ کو اکٹھا کرنے پر دھیان دیں: فواد چوہدری

تفصیلات کے مطابق وزیر اطلاعات و نشریات فواد چوہدری نے سماجی رابطے کی ویب سائٹ ٹوئٹر پر جاری بیان میں کہا  ہے کہ شہباز شریف پہلے اپوزیشن کو اکٹھا کرنے کی بجائے نون لیگ کو اکٹھا کرنے پر دھیان دیں۔کشتی بھنور میں ہے، اگر نکلے تو فضل الرحمن کا کندھا تو ہر انتشار کیلئےحاضر ہی ہے۔ وفاقی وزیر نے مزید کہا کہ اپوزیشن سنجیدہ ہو تو الیکشن اصلاحات پر بات کیلئے پی ڈی ایم جیسےچوں چوں کے مربے کی بجائے پارلیمانی لیڈر بات کریں۔

شہباز شریف پہلے اپوزیشن کو اکٹھا کرنے کی بجا ئےنون لیگ کو اکٹھا کرنے پردھیان دیں، کشتی بھنور میں ہےاگراس سے نکلے تو فضل الرحمنٰ کا کندھا تو ہر انتشار کیلئے حاضر ہی ہے، اپوزیشن سنجیدہ ہو تو الیکشن اصلاحات پر بات کرنے کیلئےPDM جیسے چوں چوں کے مربعے کی بجائے پارلیمانی لیڈرز بات کریں

— Ch Fawad Hussain (@fawadchaudhry) May 29, 2021

خیال رہے کہ  آج اسلام آباد میں پی ڈی ایم اجلاس (ن) لیگ کی میزبانی اور مولانا فضل الرحمٰن کی زیرصدارت ہو رہاہے ۔جس میں اپوزیشن جماعتو ں کو اکٹھا کرنے اور حکومت مخالف تحریک سمیت دیگر امور پر تبادلہ خیال اوراہم فیصلے متوقع ہیں ۔