اعصام الحق نے اے ٹی پی کے مینز ڈبلز فائنل کیلئے کوالیفائی کرلیا

تفصیلات کے مطابق اے ٹی پی  سیمی فائنل میں اعصام الحق اور آسٹریا کے اولیور مراش نے اٹلی اور موناکو کی جوڑی کو شکست دی۔سیمی فائنل میں اعصام الحق کی جوڑی نےچھ۔چار اور چھ۔دو سے کامیابی حاصل کی۔

اعصام الحق    کو گرینڈ سلیم کے فائنل تک پہنچنے والے  واحد پاکستانی ٹینس کھلاڑی    ہونے کا اعزاز بھی حاصل ہے ۔ اعصام الحق اور بھارتی ٹینس اسٹار روہن بوپنا کی جوڑی سال 2010 کے یو ایس اوپن کے فائنل میں پہنچی تھی اور اسی سال ومبلڈن کا کوراٹر فائنل بھی کھیلا تھا۔ ان کی بہترین عالمی رینکنگ 103 تھی اور  ایشیا میں وہ تیسری پوزیشن پر فائز رہ چکے ہیں۔ اعصام الحق قریشی پاکستان کے شہر لاہور میں پیدا ہوئے اور وہیں اپنی والدہ نوشین احتشام سے ابتدا میں ٹینس سیکھنا شروع کی تھی۔ ان کے نانا خواجہ افتخار متحدہ پاک و ہند کے چیمپیئن رہ چکے ہیں۔