ایم کیو ایم کا صدارتی انتخابات میں آصف علی زرادری کی حمایت کا اعلان

کراچی: متحدہ قومی موومنٹ (ایم کیو ایم) نے پاکستان پیپلز پارٹی (پی پی پی) کے چیئرمین بلاول بھٹو زرداری کو نچلی سطح پر اختیارات کی منتقلی پر راضی کرلیا۔

تفصیلات کے مطابق بلاول بھٹو زرداری سے ایم کیو ایم کے کنوینئر خالد مقبول صدیق کے وفد نے ملاقات کی۔ خالد مقبول اور فاروق ستار نے بلاول بھٹو سے بلدیاتی نمائندوں کو مزید اختیارات دینے پر بات چیت کی ہے۔

ایم کیو ایم کے رہنما کا کہنا تھا کہ بے نظیر بھٹو کی خواہش تھی کہ اختیارات کو نچلی سطح پر منتقل کیا جائے۔

پی پی پی کے چیئرمین نے کہا کہ وہ اس معاملے پر پارٹی سے بات کریں گے۔ انہوں نے ایم کیو ایم کے رہنماؤں کے ساتھ کے فور منصوبے اور دیگر بڑے منصوبوں کے حوالے سے اپنی کو ششوں  کا ذکر کیا۔

یاد رہے کہ گزشتہ روز (جمعرات) ایم کیو ایم نے صدارتی انتخابات کے لیے پیپلز پارٹی کے صدر آصف علی زرداری کو ووٹ دینے کا اعلان کیا تھا۔