سابق نگران وزیر اعظم پاکستان انوارلحق کاکڑ کو نوٹس جاری

اسلام آباد :  سابق نگراں وزیراعظم انوالحق کاکڑ وزرات ہاوسنگ کے نادہندہ نکلے، اور ان کے خلاف نوٹس جاری کر دیا گیا ہے۔

سابق نگران وزیر اعظم پاکستان انوار الحق کاکڑ بطور سینیٹر  منسٹر انکلیو میں گزشتہ ساڑھے پانچ سال سے رہائش پذیر رہے، میڈیا ذرائع کے مطابق انوارالحق کاکڑ کے ذمے منسٹر انکلیو میں ساڑھے پانچ سال تک استعمال ہونے والی رہائشگاہ کا 60 لاکھ کرایہ واجب ادا ہے۔

رپورٹس کے مطابق انوار الحق کاکڑ نے منسٹر انکلیو میں رہائش گاہ  کا ماہانہ کرایہ ادا نہ کیا ہے اور وزرات ہاوسنگ اینڈ ورکس نے رقم کی ادائیگی کیلئے انوارالحق کاکڑ کو نوٹس جاری کردیا ہے۔

انوار الحق کاکڑ اب بھی منسٹرانکلیو کے بنگلہ نمبر 15 میں رہائش پذیر ہیں وہ گزشتہ ہفتے بطور نگراں وزیراعظم اپنے عہدے سے سبکدوش ہوئے تھے۔