مریم نواز نے جہلم ، جھنگ ، وہاڑی میں ماڈل پائلٹ پراجیکٹ بنانے کی منظوری دے دی

 وزیراعلیٰ پنجاب مریم نوازنے جہلم،جھنگ،وہاڑی اوربہاولنگر میں ماڈل پائلٹ پراجیکٹ بنانے کی منظوری دے دی ۔ 
انہوں نے کہا کہ صاف ستھرا پنجاب ”پائلٹ پراجیکٹ میں پنجاب کے چار شہروں کوصفائی کے لحاظ سے ماڈل شہر بنایا جائے گا ، انہوں نے کہا کہ شہروں میں صفائی کیلئے منظم،موثر اورپائیدار میکانزم نافذ کیا جائے گا ۔ 

وزیراعلیٰ مریم نوازشریف کی زیر صدارت اجلاس، صفائی مہم کو موثر اورتیز کرنے کی ہدایات کی ہیں ، وزیراعلیٰ مریم نواز نے دیہی علاقوں میں صفائی مہم کا پائیدارنظام بنانے کی بھی  ہدایت کردی ۔ 
یاد رہے کہ وزیراعلیٰ مریم نوازشریف کا سالڈ ویسٹ مینجمنٹ کا پائیدار ماڈل تیار کرنے کا بھی حکم دے دیا ۔ 

وزیر اعلی پنجاب مریم نواز کے ہمراہ سینئر صوبائی وزیر مریم اورنگزیب،صوبائی مشیر پرویز رشید،وزیر اطلاعات عظمی زاہد بخاری، صوبائی وزیر لوکل گورنمنٹ ذیشان رفیق، ایم پی اے ثانیہ عاشق،چیف سیکرٹری،سیکرٹری لوکل گورنمنٹ،کمشنر لاہور،ڈپٹی کمشنر لاہور، ڈی جی لوکل گورنمنٹ،ڈی جی پی ایچ اے،سی ای او ایل ڈبلیو ایم سی اوردیگر حکام بھی شریک تھے ۔