چین، روس اور ایران کی خلیج عمان میں مشترکہ بحری مشقیں جاری

چین، روس اور ایران کی خلیج عمان میں مشترکہ بحری مشقیں جاری ہیں جو جمعے تک جاری رہیں گی۔

غیر ملکی میڈیا رپورٹس کے مطابق چینی وزارت دفاع نے اپنے بیان میں کہا ہے کہ چین نے ان مشقوں کے لیے گائیڈڈ میزائل سے لیس جنگی جہاز سمیت تین بحری جہاز روانہ کئے ہیں۔

روس کی وزارت دفاع کے مطابق تینوں ممالک کی بحریہ کے 20 سے زائد جہازوں نے ان مشقوں میں حصہ لیا ،روسی افواج کی قیادت کروزر جنگی جہاز کر رہا ہے۔

ایرانی افواج نے ایک فریگیٹ سمیت 10 سے زائد جہاز روانہ کئے ہیں۔ مشقوں میں بحری قزاقی کا مقابلہ کرنے کے ساتھ ساتھ امدادی کارروائیاں بھی شامل ہیں۔