چین نے امریکہ کو ٹک ٹاک پر پابندی لگانے بارے خبردار کردیا

واشنگٹن: چین نے ٹک ٹاک پر پابندی عائد کرنے پر امریکا کو خبردار کیا ہے۔

تفصیلات کے مطابق چین کی وزارت خارجہ کے ترجمان وانگ وین بن نے امریکی حکومت پر ٹک ٹاک کو دبانے کا الزام عائد کیا۔

وانگ نے کہا کہ امریکہ کو اس درخواست سے قومی سلامتی کے خطرات سے متعلق کوئی ثبوت نہیں ملا۔ اس قسم کے ہتھکنڈے استعمال کر کے منصفانہ مقابلے نہیں جیتے جا سکتے۔

انہوں نے کہا کہ اس قسم کے اقدامات سے کاروباری سرگرمیاں متاثر ہوتی ہیں اور بین الاقوامی سرمایہ کاروں کا اعتماد ٹوٹتا ہے۔

امریکی ایوان نمائندگان نے ٹک ٹاک پر پابندی لگانے کے بل کی منظوری دے دی ہے۔ اس بل میں چینی کمپنی بائٹ ڈانس کو ہدایت کی گئی ہے کہ وہ 6 ماہ کے اندر اپنے حصص فروخت کرے اور اگر کمپنی ایسا نہیں کرتی ہے تو امریکہ بھر میں ٹک ٹاک پر مکمل پابندی عائد کر دی جائے گی۔