روانڈا انٹرنیشنل ٹریڈ فئیر میں شرکت کے لئے5اپریل تک درخواستیں طلب

اسلام آباد: ٹریڈ ڈویلپمنٹ اتھارٹی پاکستان (ٹی ڈی اے پی) نے روانڈا میں منعقد ہونے والی بین الاقوامی تجارتی نمائش ’’ستائیسویں روانڈا انٹرنیشنل ٹریڈ فئیر‘‘ میں شرکت کے لئے 5 اپریل تک درخواستیں طلب کر لیں۔

ٹی ڈی اے پی کے مطابق22 روزہ نمائش روانڈا کے شہرکیگالی میں 25 جولائی تا 15 اگست تک جاری رہے گی جس میں ٹیکسٹائل ، گارمنٹس ، لیدر آئیٹم ، زراعت سے وابستہ مصنوعات ، آلات ، الیکٹرونکس ، مشینری ، دستکاری ، مصنوعی جیولری اور آئی ٹی سے وابستہ افراد و ادارے اپنی مصنوعات عالمی خریداروں کے سامنے پیش کرنے کے ساتھ ساتھ اپنے کاروباری معاملات طے کرسکیں گے۔

نمائش کے حوالے سے مزید تفصیلات اتھارٹی کی ویب سائٹ سے حاصل کی جاسکتی ہیں۔