چین بیرونی قرضوں پر قابو پانے کے لیے پاکستان کو مالی امداد فراہم کرتا رہے گا، بلوم برگ

امریکی اقتصادی جریدے بلومبرگ کی رپورٹ میں دعویٰ کیا گیا ہے کہ چین بیرونی قرضوں کے مسئلے پر قابو پانے کے لیے پاکستان کو مالی امداد فراہم کرتا رہے گا۔

بلومبرگ کی رپورٹ میں پاکستان میں چینی قونصل جنرل کے حوالے سے کہا گیا ہے کہ بیجنگ نے کبھی بھی پاکستان پر قرضوں کی ادائیگی کے لیے دباؤ نہیں ڈالا، اس کے بجائے حال ہی میں 2 ارب ڈالر کا قرضہ رول اوور کیا ہے۔  چین پاکستان کو بیرونی قرضوں کے مسئلے پر قابو پانے کے لیے مالی مدد فراہم کرتا رہے گا۔

واضح رہے کہ اس سے قبل بلومبرگ نے محمد اورنگزیب کی بطور وزیر خزانہ تقرری کو مثبت قدم قرار دیا تھا۔

بلومبرگ نے کہا کہ انٹرنیشنل مانیٹری فنڈ (آئی ایم ایف) کے نئے پروگرام سے قبل محمد اورنگزیب کی تقرری ایک مثبت قدم ہے، سرمایہ کاروں کی پاکستان کے نئے وزیر خزانہ کی تقرری میں دلچسپی تھی۔