اقتدار سنبھالتے ہی معاشی صورتحال میں بہتری آئی ہے، عطا تارڑ

اسلام آباد: وفاقی وزیر اطلاعات عطا تارڑ نے کہا ہے کہ اقتدار سنبھالتے ہی معاشی صورتحال میں بہتری آئی ہے۔

اسلام آباد میں میڈیا سے گفتگو کرتے ہوئے عطا تارڑ نے کہا کہ وزیراعظم ملک کے مسائل کا جلد حل چاہتے ہیں۔ یہ ملک اس لیے نہیں بنایا گیا تھا جس ایجنڈے پرآج تحریک انصاف چل رہی ہے، ہم نے تو میثاق معیشت کی بات تب کی تھی جب اپوزیشن میں تھے۔

مٹھی بھر شرپسند آئی ایم ایف کو کہہ رہے ہیں انکا لیڈر رہا ہو تو پاکستان کو امداد دیں، ہم مسائل پیدا کرنے کےلیے نہیں، مسائل کے حل کے لیے آئے ہیں، عوام نے ہمیں مسائل کے حل کےلیے ایوان میں بھیجا ہے۔