اقوام متحدہ کا موسمیاتی تبدیلی خطرات سے نمٹنے کیلئے مضبوط سیاسی حکمت عملی اپنانے پر زور

اقوام متحدہ میں موسمیاتی تبدیلی کے بارے میںہونے والی ایک کانفرنس میں خواتین اور بچوں کی بہبود کو ترجیح دینے اور ماحولیاتی تبدیلی کے درپیش خطرات سے نمٹنے کے لئے مضبوط سیاسی حکمت عملی اپنانے پر زور دیاگیا ہے۔

موسمیاتی تبدیلی پر اس پینل مباحثے کا اہتمام ا قوام متحدہ میں پاکستان کے مستقل مشن نے اسلامک ریلیف ورلڈ وائیڈ اور نیویارک میں قائم عالمی ادارے یونیسیف کے اشتراک سے کیا تھا۔

مقررین نے اتفاق کیا کہ موسمیاتی تبدیلی کے منفی اثرات سے نمٹنے کی حکمت عملی کی کامیابی کے لئے بڑھتی ہوئی مالیاتی ضروریات کو پورا کرنے اور اس سلسلے میں وسائل کو متحرک کرنے کے لئے فوری اقدامات کی ضرورت ہے۔