حکومت کا ہائی سپیڈ ڈیزل کی قیمت میں کمی،پیٹرول کی موجودہ قیمت برقراررکھنے کا فیصلہ

اسلام آباد: حکومت نے ہائی سپیڈ ڈیزل کی قیمت میں کمی جبکہ پیٹرول کی موجودہ قیمت برقراررکھنے کا فیصلہ کیاہے۔

وزارت خزانہ کی جانب سے جاری کردہ نوٹیفیکیشن کے مطابق اوگرا کی سفارش پرحکومت نے ہائی سپیڈ ڈیزل کی فی لیٹرقیمت میں 1.77 روپے کی کمی کردی ہے جس کے بعد فی لیٹرہائی سپیڈ ڈیزل کی قیمت 287.33 روپے سے کم ہوکر285.56 روپے ہوگئی ہے۔

نوٹیفیکیشن کے مطابق پیٹرول کی موجودہ قیمت 279.75 روپے برقراررہیں گی۔ نئی قیمتوں کا اطلاق 16 مارچ 2024 سے ہوگا۔