امریکی سفیر ڈونلڈ بلوم کی پارلیمنٹ میں سپیکر قومی اسمبلی ایاز صادق سے ملاقات

پاکستان میں امریکہ کے سفیر ڈونلڈ بلوم نے پارلیمنٹ ہائوس میں سپیکر قومی اسمبلی سردار ایاز صادق سے ملاقات کی اور دوطرفہ تعلقات اور باہمی دلچسپی کے امور پر تبادلہ خیال کیا۔

سپیکر قومی اسمبلی نے اس موقع پر کہا کہ پاکستان امریکہ کے ساتھ دیرینہ دوستانہ تعلقات کو بڑی اہمیت دیتا ہے۔

امریکہ اور پاکستان کے پارلیمانی تعلقات کے فروغ کی ضرورت پر زور دیتے ہوئے سپیکر قومی اسمبلی نے کہا کہ اس سے دونوں ممالک کے درمیان عوامی اور پارلیمانی تعلقات بہتر ہوں گے۔

امریکی سفیر نے پاکستان میں جمہوری عمل کی حمایت کے عزم کا اعادہ کیا۔

انہوں نے کہا کہ علاقائی اور بین الاقوامی امن و خوشحالی کیلئے اجتماعی کوششیں ناگزیر ہیں۔