پاکستان ، افغانستان کا دوطرفہ تعلقات برقرار رکھنے پر اتفاق

پاکستانی وزیرخارجہ  اسحا ق ڈار کو ان کے افغانی ہم منصب امیر خان متقی نے ٹیلی فون کیا اور انہیں وزیرخارجہ کا قلمدان سنبھالنے پر مبارکباد  پیش کی ۔

دونوں وزرائے خارجہ نے گفتگو کے دوران دوطرفہ برادرانہ تعلقات برقرار رکھنے کیلئے کام جاری رکھنے پر اتفاق کیا۔

انہوں نے روابط، تجارت، سلامتی، انسداد دہشتگردی اور عوامی رابطوں کے شعبوں میں تعاون بڑھانے کی خواہش کا بھی اظہار کیا۔