ٹویو ٹا اور ہنڈا نے گاڑیوں کی قیمتوں میں کمی کر دی

کراچی: ٹویوٹا اور ہنڈا کار کمپنی نے گاڑیوں کی قیمتوں میں کمی کردی۔

ڈالر کی قیمتوں میں کمی کا رحجان دیکھا جارہا ہے جس کے باعث گاڑیوں کی قیمتیں بھی کم ہونا شروع ہوگئی ہیں جب کہ ٹویوٹا اور ہنڈا کار کمپنی نے قیمتیں کم کردیں ہیں۔

ٹویوٹا یارس 1.3 سی وی ٹی کی قیمت 46 لاکھ 59 ہزار سے کم کرکے 45 لاکھ 86 ہزار کردی گئی جب کہ ٹویوٹا یارس کی تمام اقسام میں 73 ہزار روہے کی کمی کی گئی ہے ۔ 

انڈس موٹرز نے ٹویوٹا یارس کے مختلف نوعیت کی اقسام کی قیمتوں میں کمی کردی، ٹویوٹا یارس 1.3 ایم ٹی کی قیمت 43 لاکھ 99 ہزار سے کم کر کے 43 لاکھ 26 ہزار کردی۔

ٹویوٹا یارس 1.3 سی وی ٹی ہائی 48 لاکھ 99 ہزار سے کم کرکے 47 لاکھ 66 ہزار کردی، ٹویوٹا یارس 1.3 سی وی ٹی میں 1 لاکھ 33 ہزار روپے کی کمی کی گئی ہے۔

ہنڈا سٹی سی وی ٹی کی قیمت میں 1 لاکھ 40 ہزر کی کمی کی گئی ہے جب کہ اس کی نئی قیمت 46 لاکھ 89 ہزار ہوگئی ہے۔