سنی اتحاد کونسل کے ساتھ کوئی اختلاف نہیں ہے، چیئرمین پی ٹی آئی

پاکستان تحریک انصاف کے چیئرمین بیرسٹر گوہر خان نے کہا ہے کہ سنی اتحاد کونسل کے ساتھ کوئی اختلاف نہیں ہے۔

اس وقت کے جو حالات تھے اس کی مناسبت سے سنی اتحاد کونسل کے ساتھ ملنے فیصلہ بلکل ٹھیک تھا، درست فیصلہ تھا،ہم لوگ تو اپنی پارٹی کےلئے کوشش کر رہے تھے، اپنے نشان کےلئے کوشش کر رہے تھے، اپنے نشان پر الیکشن لڑنا چاہتے تھے، سپریم کورٹ کو خدشہ ظاہر کیا تھا کہ ہمارے ساتھ بہت مسائل ہو سکتے ہیں،مخصوص نشستیں ملنا ہمارا حق ہے یہ معاملہ جب سپریم کورٹ میں آگے جائے گا تو سیٹیں ضرور ملیں گی۔

سنی اتحاد کونسل کے ساتھ فیصلہ بلکل ٹھیک تھا درست فیصلہ تھا،سپریم کورٹ کو خدشہ ظاہر کیا تھا کہ ہمارے ساتھ بہت مسائل ہو سکتے ہیں،مخصوص نشستیں ملنا ہمارا حق ہے یہ معاملہ جب سپریم کورٹ میں آگے جائے گا تو سیٹیں ضرور ملیں گی- بیرسٹر گوہر علی خان pic.twitter.com/ownhFaNSFk

— PTI (@PTIofficial) March 19, 2024

اسلام آباد ہائی کورٹ میں میڈیا سے گفتگو کرتے ہوئے بیرسٹر گوہر خان نے کہا کہ سنی اتحاد کونسل کے ساتھ اس وقت کے حساب سے درست فیصلہ تھا، سپریم کورٹ نے یہ فیصلہ کرنا ہے کہ آئین کے آرٹیکل 51 کے مطابق کسی بھی پارٹی کو اس کی جیتی ہوئی سیٹوں سے زیادہ تشستیں نہں مل سکتیں۔  ہماری مخصوص نشستیں کسی دوسری جماعت کو نہیں مل سکتیں۔

ان کا کہناتھا کہ عمر سرفراز چیمہ گورنر تھے اس لیے انہیں ٹکٹ نہیں دیا، جو شخص گورنر ہو وہ دو سال تک کسی عہدے کے لیے الیکشن نہیں لڑ سکتا۔چیئرمین پی ٹی آئی کا کہنا ہے کہ پارٹی ورکرز کو ہی ٹکٹ ملے اور پارٹی کے فیصلے حتمی ہیں، بانی پی ٹی آئی ہی پارٹی کے سارے فیصلے کرتے ہیں۔