بانی چیئرمین پی ٹی آئی کو خیبر پختونخوا حکومت کے حوالے کرنے کا مطالبہ

مشیر اطلاعات خیبرپختونخوا نے پنجاب میں سکیورٹی خدشات کے پیش نظر بانی پی ٹی آئی کو خیبرپختونخوا حکومت کے حوالے کرنے کا مطالبہ کردیا ۔

مشیراطلاعات خیبرپختونخوا نے کہا کہ اگر پنجاب حکومت عمران خان کو سکیورٹی نہیں دے سکتی تو انہیں صوبائی حکومت کے حوالے کیا جائے۔ بانی پی ٹی آئی سے ملاقاتوں پر پابندی کے معاملے پرانہوں نے کہا کہ سکیورٹی خدشات کی بنیاد پر عائد پابندیوں سے تمام قیدیوں کے لیے مشکلات پیدا کردی گئیں ہیں۔

#عمران_کو_رہا_کرو pic.twitter.com/bBRIaJ8vb9

— Barrister Dr Muhammad Ali Saif (@BaristerDrSaif) March 19, 2024

محمد علی سیف نے کہا کہ پنجاب حکومت اپنی نااہلی، نالائقی اور عمران خان کی خوف کیوجہ سے لوگوں کو تکلیف اور اذیت میں مبتلا نہ کرے۔انہوں نے مطالبہ کیا کہ بانی پی ٹی آئی کو خیبرپختونخوا حکومت کے حوالے کیا جائے۔

بیرسٹر سیف نے کہا کہ مریم نواز پنجاب میں کام کی بجائے فوٹو شوٹ میں مصروف ہیں جبکہ خواجہ آصف میڈیا کی توجہ حاصل کرنے کے لیے اسمبلی میں فضول شوشہ چھوڑتے ہیں، پنجاب میں اپنی حکومت کی نااہلی نالائقی چھپانے کے  لیے ڈرامہ بازی ہو رہی ہے۔