صدر مملکت آصف علی زرداری سے پاکستان میں یمن کے سفیر محمد مطہر الاشعبی کی ملاقات

اسلام آباد: صدر مملکت آصف علی زرداری سے پاکستان میں یمن کے سفیر محمد مطہر الاشعبی نے ملاقات کی اور انہیں عہدہ سنبھالنے پر مبارکباد دی۔

ایوان صدر کے پریس ونگ کے مطابق ملاقات کے دوران صدر مملکت نے کہا کہ پاکستان اور یمن کے درمیان مذہب، ثقافت اور اقدار کے مشترکہ رشتوں پر مبنی بہترین دوطرفہ تعلقات ہیں۔

انہوں نے باہمی فائدہ مند تعاون کو مزید بڑھانے کی ضرورت پر زور دیا۔ صدر مملکت نے مبارکباد دینے پر یمن کے سفیر کا شکریہ ادا کیا۔