مسلح افواج، چیئرمین جوائنٹ چیفس آف اسٹاف کمیٹی، سروسز چیفس کی قوم کو یوم پاکستان کی مبارکباد

پاکستان کی مسلح افواج، چیئرمین جوائنٹ چیفس آف اسٹاف کمیٹی اور سروسز چیفس نے "یوم پاکستان" کی 84ویں سالگرہ پر قوم کو مبارکباد دی ہے۔

آئی ایس پی آر کے ایک بیان کے مطابق یہ تاریخی دن ہمیں ہمارے آبا اجداد کی عظیم قربانیوں اور خدمات کی یاد دلاتا ہے جو انہوں نے قیام پاکستان کی جدوجہد میں دیں۔

بیان میں کہا گیا ہے کہ ہندوستان میں بالعموم اور IIOJK میں بالخصوص مسلمانوں کی حالت زار، جنہیں فاشسٹ حکومت کے ہاتھوں بدترین ظلم و بربریت کا سامنا ہے، ہمیں آزادی کی اہمیت اور قدر کی یاد دلاتا ہے جہاں ہم ہر روز اپنی آزادی کی قدر کرتے ہیں اور اس کا احترام کرتے ہیں۔

اس میں مزید کہا گیا کہ اس دن پاکستان کی مسلح افواج مادر وطن کے دفاع اور اس کی خودمختاری اور علاقائی سالمیت کے ہر وقت اور کسی بھی قیمت پر تحفظ کے عزم کی تجدید کرتی ہیں اور قومی پرچم کو سربلند رکھتی ہیں۔