حکومت کا پیٹرولیم مصنوعات کی قیمتیں نہ بڑھانے کا فیصلہ

تفصیلات کے مطابق  وزیراعظم نے پٹرولیم مصنوعات کی قیمتوں میں اضافے کی سمری مسترد کردی ہیں ۔

وزارت خزانہ کے مطابق  پٹرولیم مصنوعات کی موجودہ قیمتیں برقرار رہیں گے، پٹرولیم مصنوعات پر سیلز ٹیکس اور پٹرولیم لیوی کو ایڈجسٹ کیا جائے گا۔

سماجی رابطے کی ویب سائٹ ٹوئٹر پر ڈاکٹر شہباز گل نے کہا ہے کہ  ‏انٹرنیشنل مارکیٹ میں پٹرولیم مصنوعات کی قیمتوں میں لگاتار اضافہ ہو رہا ہے،  اوگرا نے اس بار بھی فی لیٹر  8.86 روپے تک قیمت بڑھانے کی تجویز دی جو وزیراعظم نے منظور نہیں کی،  مہنگائی کے خلاف وزیراعظم کے اقدامات کے تسلسل میں پٹرولیم مصنوعات کی قیمت میں کسی قسم کا اضافہ نہیں ہوگا۔

انٹرنیشنل مارکیٹ میں پٹرولیم مصنوعات کی قیمتوں میں لگاتار اضافہ ہو رہا ہے۔ اوگرا نے اس بار بھی فی لیٹر 8.86 روپے تک قیمت بڑھانے کی تجویز دی جو وزیراعظم نے منظور نہیں کی-

مہنگائی کے خلاف وزیراعظم کے اقدامات کے تسلسل میں پٹرولیم مصنوعات کی قیمت میں کسی قسم کا اضافہ نہیں ہوگا۔ pic.twitter.com/zKKHVGJykV

— Dr. Shahbaz GiLL (@SHABAZGIL) May 31, 2021

گزشتہ روز پٹرولیم مصنوعات سے متعلق سمری حکومت کو ارسال کی گئی تھی۔  ہائی سپیڈ ڈیزل کی قیمت میں اضافے کی سفارش کی گئی تھی۔ ہائی سپیڈ ڈیزل کی قیمت میں 4 روپے 36 پیسے فی لیٹر اضافے کی تجویز کی گئی تھی،جبکہ پیٹرول ، مٹی کی تیل اور لائٹ ڈیزل کی قیمت برقرار رکھنے کی سفارش کی گئی تھی۔

دوسری جانب اوگرا نے  ایل پی جی  کی قیمتوں میں 8روپے فی کلو گرام اضافہ کردیا ، اوگرا نے نوٹیفکیشن جاری کردیا۔

جون کیلئے ایل پی جی کی نئی قیمت 141 روپے 29 پیسے فی کلوگرام مقرر کردی گئی ۔11.8 کلو گرام کا گھریلو سلنڈر 94 روپے مہنگا ہوگیا ،قیمت 1667 روپے مقرر کردی گئی۔