وزیر اعظم کا تربت نیول ائیر بیس پر حملہ ناکام بنانے پر سکیورٹی فورسز کو خراج تحسین

وزیر اعظم محمد شہباز شریف نے تربت نیول ائیر بیس پر دہشتگردوں کا حملہ ناکام بنانے پر سکیورٹی فورسز کو خراج تحسین پیش کیا۔

وزیر اعظم پاکستان نے کہا کہ سکیورٹی فورسز کی بروقت اور موثر کارروائی سے دہشتگرد جہنم واصل ہوئے اور ہم ایک بڑے نقصان سے بچ گئے۔

میاں شہباز شریف نے کہا کہ ہم دہشت گردی کےعفریت کو کچلنے کے لئے پر عزم ہیں۔

انہوں نے کہا کہ پوری قوم اپنی بہادر سکیورٹی فورسز کے ساتھ کھڑی ہے اور انہیں سلام پیش کرتی ہے۔