جے یو آئی کے سینئر رہنما طلحہ محمود نے پیپلزپارٹی میں شمولیت اختیار کرلی

جمعیت علمائے اسلام (جے یو آئی) کے سینئر رہنما طلحہ محمود نے پیپلزپارٹی میں شمولیت اختیار کرلی

اسلام آباد میں پیپلزپارٹی کے رہنماؤں نیئر بخاری اور فیصل کریم کنڈی کے ہمراہ پریس کانفرنس کرتے ہوئے طلحہ محمود نے اپنی پیپلز پارٹی میں شمولیت کا اعلان کیا۔

انہوں نے کہا کہ میں پاکستان پیپلزپارٹی میں شمولیت کا اعلان کرتا ہوں، ایک ہفتے قبل صدرآصف زرداری سے طویل ملاقات ہوئی اور انہوں نے مجھے پارٹی میں شمولیت کی باضابطہ دعوت دی۔ ملک اس وقت بحرانوں سے گزر رہا ہے، پاکستان کو معاشی چیلنجز کا سامنا ہے، ہمیشہ ملک اور قوم کی خدمت کو اپنا نصب العین بنایا۔

فیصل کریم کنڈی کا کہنا تھا کہ بلاول بھٹو اور آصف زرداری کی جانب سے طلحہ محمود کو خوش آمدید کہتے ہیں، پیپلزپارٹی کو خیبرپختونخوا میں مضبوط کریں گے، خیبر پختونخوا میں آئین اور قانون کی پامالی کی جا رہی ہے۔ سینیٹ انتخابات میں خیبر پختونخوا میں سرپرائز دیں گے، پوری قوم کو مل کر دہشت گردی کا مقابلہ کرنا ہو گا۔