مظلوم کشمیری مدد کیلئے عالمی برادری کی طرف دیکھ رہے ہیں ، کشمیری سیاسی ماہرین

کشمیر : کشمیری سیاسی ماہرین نے کہا ہے کہ مودی حکومت نے مقبوضہ جموں و کشمیر کو ایک کھلی جیل میں تبدیل کر دیا ہے۔

انہوں نے سرینگر میں اپنے الگ الگ انٹرویوز میں کہا کہ مقبوضہ جموں و کشمیر میں دس لاکھ سے زائد کی تعداد میں موجود بھارتی فوج نے پہلے ہی کشمیریوں کی زندگی جہنم بنا رکھی ہے۔

انہوں نے کہا کہ فسطائی بی جے پی حکومت نے مقبوضہ علاقے میں ظلم و ستم کے تمام ریکارڈ توڑ دیئے ہیں اور ان کی حالیہ تاریخ میں کوئی مثال نہیں ملتی۔

مظلوم کشمیری مدد کیلئے عالمی برادری کی طرف دیکھ رہے ہیں ، انہوں نےمزید کہا کہ کشمیر میں بے گناہ کشمیریوں کی گرفتاریوں کیلئے چھاپے مارے جا رہے ہیں ۔