آرمی چیف جنرل قمر جاوید باجوہ کا کور ہیڈ کوارٹر کوئٹہ کا دورہ ، آئی ایس پی آر

پاک فوج کے شعبہ تعلقات عامہ (آئی ایس پی آر) میجر جنرل بابر افتخار کے مطابق آرمی چیف جنرل قمر جاوید باجوہ نے کور ہیڈ کوارٹر کوئٹہ کا دورہ کیا ہے۔کور ہیڈ کوارٹرز آمد پر کور کمانڈر لیفٹیننٹ جنرل سرفراز علی نے آرمی چیف کا استقبال کیا۔

آئی ایس پی آر کے مطابق   آرمی چیف کو صوبے کی سیکیورٹی صورتحال اور آپریشنل  تیاریوں پر بریفنگ دی گئی،   آرمی چیف کو پاک افغان اور پاک ایران سرحد باڑ لگانے اور بارڈر منیجمنٹ کے امور پر بھی بریفنگ دی گئی۔

آئی ایس پی آر کا کہنا ہے کہ   آرمی چیف کو بلوچستان حکومت کے تعاون سے اٹھائے  گئے سماجی و اقتصادی ترقی کے اقدامات سے آگاہ کیا گیا،  آرمی چیف کو صوبائی قانون نافذ کرنیوالے اداروں کی استعداد کار میں اضافے پر بھی بریفنگ دی گئی۔

آرمی چیف جنرل قمر جاوید باجوہ نے کہا کہ   پاک فوج دیر پا امن اور اور صوبے کی سماجی اور اتقصادی ترقی کیلئے ہر ممکن اقدامات کرے گی،  دہشتگردوں کو امن کی کوششوں کو نقصان پہنچانے کی اجازت نہیں دیں گے ،  صوبے میں امن و امان یقینی بنانے کیلئے پاک فوج صوبائی حکومت کی بھرپور مدد کرے۔

آئی ایس پی آر کا کہنا ہے کہ   آرمی چیف نے جوانوں اور افسران کے بلند حوصلے  کی تعریف۔