بانی چیئرمین پی ٹی آئی اور بشریٰ بی بی کی توشہ خانہ کیس میں سزائیں معطل

توشہ خانہ کیس، بانی چیئرمین پی ٹی آئی عمران کان اور بشریٰ بی بی کی سزائیں معطل کر دی گئی،

اسلام آباد ہائیکورٹ کے دو رکنی بینچ نے سماعت کی۔ عدالت نے اس کیس میں عمران خان اور بشری بی بی کو ضمانت پر رہا کرنے کا بھی حکم دے دیا۔

چیف جسٹس اسلام آباد ہائیکورٹ عامرفاروق کی سربراہی میں بینچ کا کہنا تھا کہ سزا کے خلاف اپیل عید کے بعد مقرر کریں گے۔

اطلاعات کے مطابق سزا نیب پراسیکورٹر کے بیان کی روشنی میں معطل کی گئی۔ 

چیف جسٹس عامر فاروق نے یہ ریمارکس بھی دیئے کہ سائفر کیس بدھ کو سماعت کے لیے مقرر ہے۔

پی ٹی آئی کے رہنما بیرسٹر گوہر کا کہنا ہے کہ توشہ خان کیس میں سزا معطل ہونے کا مطلب یہی ہے کہ رہا کردیا جائے تاہم عدالت کو چاہیے تھا کہ پورے فیصلے کو معطل کیا جاتا۔ ہماری استدعا یہی تھی کہ سزا اور فیصلہ دونوں کو معطل کیا جائے۔

واضح رہے کہ توشہ خانہ کیس میں بانی پی ٹی آئی اور ان کی اہلیہ بشریٰ بی بی کو 14، 14 سال قید بامشقت کی سزا سنائی گئی تھی ۔

احتساب عدالت اسلام آباد کے جج محمد بشیر نے اڈیالہ جیل میں توشہ خانہ ریفرنس کا فیصلہ سناتے ہوئے بانی پی ٹی آئی  اور ان کی اہلیہ کو کسی بھی عوامی عہدے کے لیے 10 سال کے لیے نااہل بھی کر دیا تھا۔