چیف آف نیول اسٹاف کا کوئٹہ کے کمانڈ اینڈ اسٹاف کالج کا دورہ

پاک فوج کے شعبہ تعلقات عامہ (آئی ایس پی آر) کے مطابق  چیف آف نیول اسٹاف ‏ایڈمرل امجد نیازی نے کوئٹہ کے کمانڈ اینڈ اسٹاف کالج کا دورہ کیا ہے۔ کمانڈنٹ کمانڈ اینڈ اسٹاف کالج کوئٹہ نے چیف آف نیول اسٹاف کا استقبال کیا۔

آئی ایس پی آر کے مطابق چیف آف نیول اسٹاف ایڈمرل محمد امجد خان نیازی نے اسٹاف کورس کے شرکاء سے خطاب بھی کیا۔نیول چیف نے خطاب میں اسٹاف کورس کے شرکا سے ملکی دفاع کے لیے پاک فوج کی ‏خدمات کو سراہا۔

ایڈمرل امجد ‏نیازی نے خطاب میں کہا کہ  ‎ ‎خود کوتیاررکھنے کے کےلیے نئے حربی خیالات سے ہم آہنگ ہونا ہوگا، ‎ ‎دفاع وطن کےلیے الجھے ہوئے متحرک سیکورٹی ماحول سے مطابقت پیدا کرنا ہوگا،چیلنجزسےنبردآزماہونےکیلیے جدید رجحانات سےآگاہ رہیں،سیکیورٹی کےپیچیدہ حالات سےنمٹنےکیلیےخودکوتیاررکھیں۔

نیول چیف نے کہا کہ  جدیدملٹری آپریشن کے نظریے میں اشتراک عمل مرکزی حیثیت رکھتا ہے، کوئی فورس آج کےجنگی ماحول میں تن تنہاکامیاب نہیں ہوسکتی، پاک بحریہ میری ٹائم سیکیورٹی چیلنجزسےنمٹنےکیلیےہروقت تیارہے۔

آئی ایس پی آر کے مطابق  نیول چیف نےفیکلٹی اورطلباکےمختلف سوالوں کےجواب دیے۔