پی ایس ایل 6 ، پی سی بی اور ابوظہبی انتظامیہ کے درمیان ڈیڈ لاک برقرار

تفصیلات کے مطابق  پاکستان کرکٹ بورڈ (پی سی بی ) اور ابوظہبی انتظامیہ کےدرمیان ڈیڈ لاک برقرار ہے، ابوظہبی انتظامیہ بھارتی براڈ کاسٹرز کے 10 روزہ قرنطینہ پر بضد ہیں ،جبکہ  پی سی بی کے اعلیٰ افسران ابو ظہبی حکام کو منانے کیلیے کوشاں ہیں ۔

جی این این کے مطابق  پی سی بی انتظامیہ کی متعلقہ حکام سے بھارتی براڈ کاسٹرز کے 7روزہ قرنطینہ کی درخواست کی گئی ہے۔ ابو ظہبی حکام نے 7 روزہ قرنطینہ کی اجازت دی تو ایونٹ 7 جون سے شروع ہو سکے گا ۔اجازت نہ ملنے کی صورت میں ایونٹ کو مزید آگے بڑھایا جائے گا۔

خیال رہے کہ  گزشتہ روز ابوظہبی کی وازت صحت نے بھارتی براڈ کاسٹرز کو دوبئی بھیج دیا تھا،بھارتی براڈ کاسٹرز کو ایس او پیز کیخلاف پر ابوظہبی کے ہوٹل سے نکالا گیا تھا۔