پارلیمنٹ کا مشترکہ اجلاس 16 اپریل کو طلب

صدر آصف علی زرداری نے رواں ماہ کی سولہ تاریخ کو شام 4 بجے پارلیمنٹ کا مشترکہ اجلاس طلب کیا ہے۔

صدر مملکت  نے آئین کے آرٹیکل 54/1 اور56/3 کے تحت پارلیمنٹ میں مشترکہ اجلاس بلایا ہے۔

آئین کے آرٹیکل 56/3 کے تحت صدر کو عام انتخابات کے بعد پارلیمانی سال کے آغاز میں پارلیمنٹ کے مشترکہ اجلاس سے خطاب کرنا ہوتا ہے۔

یاد رہے کہ صدر مملکت کی جانب سے طلب کیے گئے سینیٹ اجلاس میں نو منتخب اراکین کی حلف برداری ہو گی۔