امید ہے پاکستان مسائل سے جلد باہر نکلے گا، شیخ رشید

عوامی مسلم لیگ کے سربراہ اور سابق وزیر داخلہ شیخ رشید نے کہا ہے مجھے امید ہے پاکستان مسائل سے جلد باہر نکلے گا، مقتدر حلقوں سے اپیل ہے کہ سانحہ 9 مئی میں بے گناہ لوگوں کو معاف کیا جائے۔ عید الفطرپرفارم 45اور47والوں کو عید کی مبارکباد پیش کرتا ہوں۔

لیاقت باغ میں عیدالفطر کا بڑا اجتماع ہوا ۔نماز کی ادائیگی کے بعد سابق وزیر داخلہ شیخ رشید کا میڈیا سے گفتگو میں کہنا تھاکہ تمام عالم اسلام کو عید کی مبارک باد دیتا ہوں، عید الفطرپرفارم 45اور47والوں کو عید کی مبارکباد پیش کرتا ہوں۔

راولپنڈی :سابق وفاقی وزیر داخلہ شیخ رشید احمدلیاقت باغ میں عیدالفطر کی نماز ادا کرنے کے بعد میڈیا سے گفتگو کرتے ہوئے pic.twitter.com/aVgSko37aR

— Sheikh Rashid Ahmed (@ShkhRasheed) April 10, 2024

سربراہ عوامی مسلم لیگ نے مزید کہا کہ اللہ نے چاہا تو ملک کے حالات بہتر ہو جائیں گے، دعا ہے اللہ ملک کے معاشی اور اقتصادی حالات بہتر کرے۔میں ہارا ہوا ہوں زیادہ تبصرہ کرنا مناسب نہیں سمجھتا۔مجھے امید ہے پاکستان مسائل سے جلد باہر نکلے گا۔

شیخ رشید کاکہنا تھا کہ سانحہ نو مئی میں بے گناہ لوگوں کو خدا اور رسول کیلئے معاف کیا جائے۔سانحہ نو مئی میں جن لوگوں نے جرم کیا ہے انکا ٹرائل کیا جائے۔مقتدر حلقوں سے اپیل ہے بے گناہ لوگوں کو معاف کیا جائے۔