لگتا ہے کہ سندھ ڈاکوؤں کے حوالے ہے، حافظ نعیم الرحمان

امیر جماعت اسلامی حافظ نعیم الرحمان نے کہا ہے کہ کراچی میں رمضان کے دوران 20 سے زائد شہری ڈکیتی مذاحمت پر قتل کر دیئے گئے، لگتا ہے کہ سندھ ڈاکوؤں کے حوالے ہے۔

کراچی میں میڈیا سے گفتگو میں حافظ نعیم الرحمان نے کہا کہ حکومت عوام کو تحفظ فراہم کرے، کچے اور پکے کے ڈاکو اپنی جگہ موجود ہیں، حکومت عوام کا تحفظ نہیں کر سکتی تو کس لئے بیٹھی ہے۔

رواں سال ہزاروں وارداتیں ہوچکی ہے، حکومت عوام کے جان ومال کی حفاظت نہیں کر پا رہی ہے۔

انہوں نے کہا کہ رمضان میں 20 شہری ڈکیتی مزاحمت پر قتل ہوئے، کچے اور پکے دونوں میں ڈاکو راج ہے۔

امیر جماعت اسلامی سندھ نے مزید کہا کہ عید ہم غزہ کے نام کرتے ہیں، اہل غزہ کی مدد کے لئے کوئی نہیں پہنچ رہا، پوری امت اور باضمیر لوگوں کو اٹھنا پڑے گا، آج اگر فلسطینی دہشت گردی کا شکار ہیں تو کل کوئی اور ہوگا۔

 زخمی فلسطینیوں کو راستہ دیا جائے تاکہ ان کا علاج ہوسکے، ہم چاہتے ہیں پوری دنیا مل کر اسرائیل پر دباؤ ڈالے۔

لوگوں سے پیل ہے کہ اصل مقصد کےلئے اپنی جدوجہد تیز کریں۔