وزیراعظم کا لسبیلہ کے قریب ٹریفک حادثے میں قیمتی جانوں کے ضیاع پر گہرے افسوس

وزیراعظم شہباز شریف نے لسبیلہ کے قریب زائرین کے ٹرک کے حادثے پر اظہار افسوس کیا ہے۔

شہباز شریف نے حادثے میں قیمتی جانوں کے ضیاع پر گہرے دکھ اور رنج کا اظہار کیا ہے۔

وزیر اعظم نے حادثے میں جاں بحق ہونے والوں کیلئے بلندی درجات کی دعا اور جاں بحق ہونے والے افراد کے لواحقین سے اظہار تعزیت کیا۔

شہباز شریف نے زخمیوں کی جلد صحتیابی کی دعا کی اور انہیں ہر ممکن طبی امداد فراہم کرنے کی بھی ہدایت کی۔

واضح رہے کہ شاہ نورانی روڈ پر زائرین کے ٹرک کو پیش آنے والے حادثے میں 18 افراد جاں بحق اور کئی افراد زخمی ہو گئے ہیں۔