اسرائیل کو شام میں ایرانی قونصل خانے پر حملے کی سزا مل کر رہے گی ، آیت علی خامنہ ای

ایران کے سپریم لیڈر آیت علی خامنہ ای نے کہا ہے کہ اسرائیل کو شام میں ایرانی قونصل خانے پر حملے کی سزا مل کر رہے گی۔

غیر ملکی خبر رساں ادارے کے مطابق خامنہ ای نے رمضان المبارک کے اختتام پر ایک تقریر میں کہا کہ قونصل خانے پر حملہ ایران کی سرزمین پر حملہ کرنے کے مترادف ہے۔ شیطانی رجیم نے یہ بہت بڑی غلطی کی ہے اسے اس غلطی کی سزا بھگتنا ہو گی۔ 

واضح رہے اسرائیلی وزیر خارجہ کاٹز نے بھی ایران کو خبر دار کیا یے کہ اس نے اپنی سرزمین سے اسرائیل پر حملہ کیا تو اسرائیل بھی ایران کے اندر حملہ کر کے جواب دے گا۔ کاٹز کا یہ دھمکی امیز جواب سوشل میڈیا پلیٹ فارم ' ایکس ' پر سامنے آیا ہے۔

ایران کو فلسطینی مزاحمتی گروپ حماس کا زبردست حامی اور اسرائیل کا بد ترین دشمن خیال کیا جاتا ہے۔ حماس کے خلاف اسرائیل کی غزہ میں جنگ کے دوران اب تک 33360؛سے زائد فلسطینی ہلاک ہو چکے ہیں۔ جبکہ اسرائیلی حمایت ہافتہ حزب اللہ بھی اسرائیل کے ساتھ سات اکتوبر کے بعد سے مسلسل جھڑپوں میں مصروف ہے ۔