پیپلزپا رٹی ملک کے وسیع تر مفاد میں حکومت کی حمایت جاری رکھے گی ، آصف علی زرداری

اسلام آباد: صدر آصف علی زرداری نے  کہا کہ پاکستان پیپلز پارٹی ملک میں معاشی استحکام اور خوشحالی کے لیے حکومت کی حمایت جاری رکھے گی۔

وہ اتوار کو لاڑکانہ کے گڑھی خدا بخش بھٹو میں شہید ذوالفقار علی بھٹو کی 45ویں برسی کے موقع پر عوامی اجتماع سے خطاب کر رہے تھے۔

صدر مملکت نے کہا کہ پاکستان کو معدنیات اور قدرتی وسائل کی وسیع صلاحیتوں سے نوازا گیا ہے اور وہ ان وسائل سے فائدہ اٹھا کر موجودہ معاشی بحران سے نکلے گا۔

انہوں نے شہید ذوالفقار علی بھٹو کو خراج عقیدت پیش کرتے ہوئے کہا کہ بھٹو خاندان نے ہمیشہ ملک اور عوام کے لیے اپنی جانیں قربان کیں۔

صدر آصف علی زرداری نے عام انتخابات میں پاکستان پیپلز پارٹی پر اعتماد ظاہر کرنے پر عوام کا شکریہ ادا کیا۔