پی سی بی کا پی ایس ایل 6 کے بقیہ میچز کے شیڈول کا اعلان

تفصیلات کے مطابق  پی سی بی کا کہنا ہے کہ  ٹورنامنٹ کے 20 میچز 9سے 24 جون تک شیخ زید کرکٹ اسٹیڈیم ابوظہبی میں کھیلے جائیں گے۔

پاکستان کرکٹ بورڈ کے مطابق  پہلا میچ لاہور قلندرزاور  اسلام آباد یونائیٹڈ کے درمیان کھیلا جائے گا۔10 جون کو ملتان سلطانز اور کراچی کنگز کی ٹیمیں مد مقابل  ہوں گی۔ ٹیمیں 21 اور 23 جون کو آرام کریں گی اور ٹورنامنٹ کا فائنل چوبیس جون کو کھیلا جائے گا۔

پی سی بی کا کہنا ہے کہ  قومی کرکٹ ٹیم 25 جون کو مانچسٹر روانہ ہوجائے گی۔

قبل ازیں ذرائع کا کہنا تھا کہ کوالیفائر اور ایلیمنیٹرون  سمیت ایونٹ کے دوران 6 ڈبل ہیڈرزکھیلےجائیں گے۔ پی ایس ایل6کےبقیہ میچزپاکستانی وقت کے مطابق رات 9بجے شروع ہوں گے۔

ڈبل ہیڈرز والے روز پہلا میچ پاکستانی وقت کے مطابق شام 6 بجےشروع ہوگا۔ڈبل ہیڈرز والے روز دوسرا میچ پاکستانی وقت کے مطابق رات11 بجےشروع ہوگا۔