گوتم گھمبیر فاؤنڈیشن کوروناکی دوائیوں کے ذخیرے میں ملوث

غیر ملکی خبر رساں ادارے کے مطابق دہلی ہائی کورٹ کو جمعرات کے روز بتایا گیا کہ ڈرگس کنٹرولر جنرل آف انڈیا (DCGI) نے گوتم گمبھیر فاؤنڈیشن کوکورونا کے  مریضوں کو غیر قانونی طور پر Fabiflu دوائی  دینے ،  ذخیرہ کرنے  اور  خریدنے کا قصوروار پایا ہے۔

اس سے قبل گوتم گمبھیر فاؤنڈیشن کو کلین چٹ دینے پر سرزنش ہونے کے بعد ڈی سی جی آئی نے  عدالت میں ایک نئی رپورٹ پیش کی  ۔ ڈرگس کنٹرولر نے کہا  کہ آرگنائزیشن  ، منشیات فروشوں کے خلاف بھی تاخیر کے بغیر کارروائی کی جائے گی۔

عدالت کو بتایا گیا کہ آم عادمی پارٹی (AAP) کے ایم ایل اے پروین کمار کو بھی منشیات اور کاسمیٹکس ایکٹ کے تحت اسی طرح کے جرائم کا مرتکب پایا گیا ہے۔

اس سے قبل دوائیوں کے ذخیرہ اندوزی سے متعلق کیس میں ، دہلی ہائی کورٹ نے ڈی سی جی آئی کی ابتدائی رپورٹس کو مسترد کردیا تھا جس میں  گوتم گمبھیر اور کمار کو کلین چٹ دی گئی تھی۔ جسٹس وپن سنگھی اور جسسمیت سنگھ کے ڈویژن بینچ نے پیر کو ایک تازہ رپورٹ اور تحقیقات کا حکم دیا تھا۔

تاہم عدالت عام آدمی پارٹی  کے ایک اور ایم ایل اے پریتی تومر کے لئے دائر ڈرگس کنٹرولر کی رپورٹ سے مطمئن ہوگئی تھی۔اس سے قبل  اسی ڈویژن بینچ نے ڈرگ کنٹرولر کو حکم دیا تھا کہ وہ اس کے خلاف بھی اسی طرح کے الزامات کے تحت تحقیقات کرے۔

جمعرات کو ، ڈرگس کنٹرولر سے عدالت نے چھ ہفتوں کے اندر ان معاملات میں مزید پیشرفت سے متعلق اسٹیٹس رپورٹس جمع کروانے کا کہا گیا ہے اور اسکی اگلی سماعت  29 جولائی کو ہوگی۔