امریکی صدر دورہ برطانیہ کے دوران ملکہ برطانیہ سے ملاقات کریں گے

غیر ملکی خبر رساں ادارے کے مطابق  امریکی صدر جوبائیڈن اور خاتونِ اول جل بائیڈن دورہ برطانیہ کے دوران  13جون کو ملکہ برطانیہ سے ملاقات کریں گے، بکنگھم محل  نے امریکی صدر جوبائیڈن کی ملکہ برطانیہ سے ملاقات کا اعلان کردیا۔

امریکی صدر جوبائیڈن11جون سے 13جون تک جاری رہنے والے جی سیون اجلاس میں شرکت کیلئے برطانیہ جائیں گے، جی سیون اجلاس کے بعد امریکی صدر14جون کو ہونیوالےنیٹو اجلاس میں شرکت کیلئے برسلر جائیں گے۔برسلز میں نیٹو اجلاس کے موقع پر ان کی اپنے ترک ہم منصب صدررجب طیب اردوان سے ملاقات متوقع ہے۔

وائٹ ہاؤس کے مطابق امریکی صدرجوبائیڈن کی  برسلز میں روسی صدرولادیمیرپیوٹن سے بھی ملاقات متوقع ہے۔